 |
    |
    |
 |
    |
    |
 |
| భాష | నిఘంటువులు | ఆంధ్రనామశేషము |
| ఆంధ్రనామశేషము - అడిదము సూరకవి | ||
| క. |
శ్రీగౌరీ ప్రియవల్లభ రాగద్వేషాదిరహిత! - రమ్యచరిత్రా! యోగిధ్యేయపదాంబుజ! భోగివలయ! రామచంద్ర-పురవరనిలయా! |
1 |
| వ. | అవధరింపుము. | 2 |
| ఆ. |
ఆంధ్రనామసంగ్ర-హమునందుఁ జెప్పని కొన్ని తెలుఁగు మఱుఁగు-లన్నిఁ గూర్చి యాంధ్రనామశేష-మను పేరఁ జెప్పెద దీనిఁ జిత్తగింపు - దేవదేవ! |
3 |
| క. |
తఱి యజ్జ దనన సమయం బుఱఁ డనఁగను సరకుసేయ-కుండె ననఁగఁ బే ళ్లొఱ పగు గణింపఁ డనుటకుఁ గరిచర్మాంబర! త్రినేత్ర! - గౌరీమిత్రా! |
4 |
| తే. |
పెంపుసెందెను దామర - తంపరయ్యెఁ బ్రబలె నెగడెను గొనసాగె - బలిసె పెరిఁగె ననఁగ రేకెత్తె ననఁగ బే-ళ్ళయ్యె వృద్ధి బొందె ననుటకు శేషాహి-భూషితాంగ! |
5 |
| తే. |
పేర్మి యర్మిలి మక్కువ - కూర్మి నెమ్మి నెనరు గాదిలి గారాము - నెయ్యఁ మింపు ప్రేముడి యనుంగు ముద్దనఁ - బ్రియమునకును నామధేయంబు లయ్యెఁ బి-నాకపాణి! |
6 |
| క. |
ఒనఁగూర్చె ననఁగ సమకూ ర్చె నన\న్‌ వీల్పఱిచె ననఁగఁ - జేకూర్చెను నా ననుకూలపఱిచె ననుటకుఁ దనరును నామంబులై సు-ధాకరమకుటా! |
7 |
| క. |
చరియించె ననుట కాఖ్యలు తిరిగెను జెరలాడె ననఁగఁ - ద్రిమ్మరె ననఁ గ్రు మ్మరె ననఁగ మసలె ననఁగాఁ బుర దానవహరణ! శేష-భుజగాభరణా! |
8 |
| తే. |
ఆఱుమూఁడయ్యెఁ గచ్చువి-చ్చయ్యె ననఁగ బెడిసె బుసివోయె ననఁగను - జెడియె ననఁగ నాఖ్య లగుఁ గార్యవైకల్య-మయ్యె ననుట కంధకాసురహరణ! రౌ-ప్యాద్రిశరణ! |
9 |
| క. |
అలజడి నెంజిలి పిమ్మట సిలు గుత్తలపాటు వంత-సేగి నెగుల్‌ గొం దల మలమ టడరు గో డు మ్మలిక వనటఁ గుందు నా న-మరు దుఃఖాఖ్యల్‌. |
10 |
| క. |
అరిది వెఱం గచ్చెరు వ బ్బుర మబ్రం బనఁగఁ జిత్ర-మునకుం బేళ్లౌ సరణికిఁ బేళ్లగుఁ ద్రోవనఁ దెరువన దారియన బాట- తెన్నన నభవా! |
11 |
| తే. |
ఐదుపదిచేసె వెనుకముం-దయ్యె జుణిఁగె వీఁగె వెన్నిచ్చె వెనుకంజ-వేసె ననఁగ నోహటించె ననంగఁ బే-ళ్లొప్పుచుండు నాహవపరాఙ్ముఖుం డయ్యె-ననుట కభవ! |
12 |
| తే. |
మోహరించెను దండెత్తె - మొనసె దాడి చేసెఁ బోటొగ్గెఁ గోల్తలు - చేసె మాఱు కొనియె దళమెత్తె ననఁగఁ బే-ళ్లొనరుచుండు నాహవోద్యోగ మొనరించె-ననుట కభవ! |
13 |
| తే. |
ఆహవోన్ముఖతకు నోల-మాసగొనక పిఱుతివియ కీడఁబో కనఁ - బేళ్లు దనరు నబ్బెస మొనర్చెఁ గఱచె నా - నభ్యసించె ననుట కభిధానములు చంద్ర-మావతంస! |
14 |
| క. |
వేఱొక టనఁ బై పె చ్చన మాఱుట యిమ్మడి యనన్‌ స-మాహ్వయములు పెం పాఱును వస్త్వంతరమున కౌరగకేయూరసహిత-హత! మారజితా! |
15 |
| సీ. |
ఆఱడిపోయెను - బీఱువోయెను రిత్త వోయెను వీసర-వోయె ననఁగ నుడివోయెఁ బొలివోయె-సుడివోయె ననఁగను వ్యర్థ మయ్యె నటంట - కాఖ్య లయ్యెఁ గడిమి బీరంబు మ-గంటిమి గం డన విక్రమాహ్వయములై - వెలయుచుండు నాస్ఫాలన మొనర్చె - ననుటకుఁ జఱచెనా నప్పళించె ననంగ - నాఖ్య లయ్యె |
|
| తే. |
నొగి వరుస యోలి సొరిది నా-నోజ నాఁగఁ గ్రమమునకు నాఖ్య లయ్యెను - గాలకంఠ! కొఱ కొఱఁత తక్కువ వెలితి - కొదవ కడమ యనఁగ నూనంబునకు నాఖ్య - లై తనర్చు. |
16 |
| తే. |
నెట్టుకొనెఁ బాలుపడె నొడి-గట్టె ననఁగఁ గడఁగెఁ దొడఁగెను జెలరేఁగెఁ - గాలుద్రొక్కెఁ గవిసెఁ గదిసె ననంగ నా-ఖ్యలయి యొప్పు నభిముఖుం డయ్యె ననుటకు - నగనివేశ! |
17 |
| తే. |
అగపడకపోయె విచ్చు మొ-గ్గయ్యె ననఁగఁ గంటఁబడదయ్యెఁ బంచబం-గాళమయ్యె ననఁగ దృగగోచరం బయ్యె-ననుట పేళ్లు శయఘటితశూల! వైయాఘ్ర-చర్మ చేల! |
18 |
| క. |
వెలిచవి చీఁకటిత ప్పనఁ బొలుపారఁగ జారభావ-మునకుం బేళ్లౌఁ బులు కసటు చిలు మనంగను మలిన మనుట కాఖ్య లయ్యె - మనసిజదమనా! |
19 |
| ఆ. |
వింగడం బనంగ - విపరీత మగు నుక్కి వం బనఁగను గుత్సి-తంబు పరఁగు నాఖ్య యగుచుఁ దనరు-నామని యనఁగను మదమునకును జంద్ర-మఃకలాప! |
20 |
| క. |
ఎల యండ్రు తరుణ మనుటకుఁ గొల యన దురితంబు పేరు - కుడియెడమ లన\న్‌ వలపలదాపల లనఁగను బొలుపుగ నపసవ్యసవ్య-ములకుం బేళ్లౌ. |
21 |
| క. |
తగు నౌద్ధత్యము పేళ్లై పొగ రన నా మనఁగఁ ద్రుళ్లు - పోతర మనఁగా నెగడును భయంబు పేళ్లై బెగడు దిగులు వెఱపు జంకు-బీ తలు కనఁగన్‌. |
22 |
| క. |
అరి యనఁ గప్పం బనఁగాఁ గరమునకుం బేళ్లు కాఁగు-కడవ పనఁటి నాఁ బరఁగు ఘటాఖ్యలు నమితా మరమౌనినికాయ! భూతి-మండితకాయా! |
23 |
| తే. |
అలరుచుండును గొండ్లి రం-తనఁగఁ గేళి హాని కాఖ్యలు చేటు కీ-డఱ యనంగ హెచ్చరిక హాళి సంతసం - బెలమి వేడ్క యనఁగ నానందమున కాఖ్య-లై తనర్చు. |
24 |
| క. |
సాహిణ మనఁ బాగా యన వాహాగారంబునకును - వర్తిలుఁ బేళ్లై వ్యూహమున కాఖ్య లయ్యెను మోహర మన నొ డ్డనంగ - మొగ్గర మనఁగన్‌. |
25 |
| క. |
ఒనరించె ననఁగఁ గావిం చె ననంగను సలిపె ననఁగ - జేసె ననంగాఁ జను నాచరించె ననుటకుఁ గనకాచలచాప! చంద్ర-ఖండకలాపా! |
26 |
| తే. |
చీఁకువా లిరు లనఁగను - జీఁకటి యనఁ దిమిరమునకు నభిఖ్య లై - తేజరిల్లు నాఖ్య లై తనరారు ను-పాయమునకు సుళు వనఁగ వెర వనఁగను - సూటి యనఁగ. |
27 |
| తే. |
చేరువయ్యెను డాసెను - దారసిల్లె ననఁగ సన్నిహితం బౌఁట - కాఖ్య లయ్యె స్థూల మనుటకుఁ బేళ్లగుఁ - దోర మనఁగఁ గడిఁది వలుఁద యనంగను - గాలకంఠ! |
28 |
| తే. |
వాఁడె గసుగందె ననఁ బుయి-లోడె ననఁగ విన్నవోయె ననంగను - జిన్నవోయె ననఁగఁ బేళ్లగు నివి ఖిన్నుఁ - డయ్యె ననుట కంధకాసురహరణ! రౌ-ప్యాద్రిశరణ! |
29 |
| క. |
గరువము మురిపం బనఁగను బరఁగున్‌ గర్వంబు పేళ్లు - భటనామము లొం టరి లెంక బం టనంగను బుర దానవహరణ! శేష-భుజగాభరణా! |
30 |
| క. |
అరదంబు తేరనంగను బరఁగు రథంబునకుఁ బేళ్లు - పరి యన్నను గా లరు లనఁ బదాతిసంహతి పుర దానవహరణ! శేష-భుజగాభరణా! |
31 |
| క. |
సందియ మన ననుమాన మ నం దనరును సంశయంబు-నకుఁ బేళ్లై గో బృందాహ్వయంబు లలరును మందనఁ గోన యనఁ జంద్ర-మఃఖండధరా! |
32 |
| క. |
మొన వాఁగు దండు దళ మనఁ దనరు\న్‌ సైన్యంబు పేళ్లు - దళవాయి యన\న్‌ మొనకాఁడనంగఁ బడవా లనఁగ\న్‌ సేనాధిపతికి - నాఖ్యలు వొలుచు\న్‌. |
33 |
| తే. |
మైకొనియె నియ్యకొనె నొడం-బడియె నొప్పె ననఁగ నంగీకరించుట - కాఖ్య లయ్యె సంఘటించుట కాఖ్యలై - జానుమీఱుఁ జెరివెఁ దుఱిమెను గీల్కొల్పెఁ - జెక్కె ననఁగ. |
34 |
| తే. |
దిట్టపడియె ముక్కాఁకలు - దీరె ననఁగ నాఱితేఱె ననం గడి-దేఱె ననఁగఁ గసిమసంగె ననంగ నా-ఖ్యలు దనర్చు నిపుణుఁ డయ్యె నటంటకుఁ - ద్రిపురవైరి! |
35 |
| క. |
తడవు వడి కా రనంగా నడరుం గాలంబు శిథిల-మయ్యె ననుట యౌ విడె వీడె నూడె విచ్చెను సడలె సురలె వదలెఁ - బ్రిదిలె - జాఱె ననంగ\న్‌. |
36 |
| క. |
మది డెంద ముల్ల మెద యన హృదయంబున కాఖ్యలయ్యె - నీఱం బనఁగాఁ బొదరి ల్లనఁగ నికుంజము సదయాంతఃకరణ! తరుణ-చంద్రాభరణా! |
37 |
| క. |
తెగ దినుసు తోయ మనఁగను నెగడుఁ బ్రకారంబునకును - నెఱి నామము లై మెగ మనఁగ మెక మనంగను మృగమునకు నభిఖ్యలయ్యె - మేరుశరాసా! |
38 |
| క. |
ఎడ దవ్వు కెళ వనంగా నడరు\న్‌ దూరంబునకు స-మాఖ్యలు నలి నాఁ బొడి నుగ్గు తుమురు నుఱు మన బెడఁగడరుం జూర్ణమునకుఁ - బేళ్లై శర్వా! |
39 |
| క. |
ప్రేరేచెను బురికొలిపెను దారిచె ననఁ జోదనకును - దగు నాఖ్యలు పెం పారును జంబూద్వీపము నేరెడుదీవి తొలుదీ వ-నెడునామములన్‌. |
40 |
| క. |
తొలఁగెం బాసె ననంగా నలరు\న్‌ విముఖతకుఁ బ్రాప్త - మయ్యె ననుట పే ళ్లలమె నొదవె దక్కొనియెను నెలకొనియె\న్‌ జెందె ననఁగ - నెక్కొనియె ననన్‌. |
41 |
| క. |
వెనుకఁ దరువాతఁ బిమ్మట ననఁగా నంతట ననంగ - నంత ననంగాఁ దనరుం బశ్చాదర్థము కనకాచలచాప! చంద్ర-ఖండకలాపా! |
42 |
| క. |
పల్లఱపులు రజ్జు లనం బ్రల్లదములనంగ వ్యర్థ-భాషణములకున్‌ బేళ్లై వర్తిలు నోలిగ సుల్లోకజయాభిసరణ! - యురగాభరణా! |
43 |
| క. |
కైసేఁ తలంకరించుట బేసి యన\న్‌ విషమమునకుఁ - బేరై వెలయు\న్‌ సేసలు దీవనబ్రా లన భాసిలు మంత్రాక్షతలకుఁ - బర్యాయపదములై. |
44 |
| క. |
కోఁ రనఁ బా లన నంశం బే ఱన వాఁక యన నదికి - నెసఁగును బేళ్లై నీరాజనంబు పేళ్లగు నారతి నివ్వాళి యనఁగ - నంగజదమనా! |
45 |
| ఆ. |
మొఱవవోయె ననఁగ - మొద్దువోయె ననంగఁ గుంఠ మయ్యె ననుట-కుం దనర్చు శాతమునకు నాఖ్య-లై తనరారును జుఱుకు వాఁడి తెగువ - కఱ కనంగ. |
46 |
| సీ. |
యామికులకు నాఖ్య-లై ప్రవర్తిలుచుండు నారెకు లనఁగ ద-లారు లనఁగఁ గళ్లెంబు వాగె నాఁ-గను ఖలీనంబు పే ళ్లలరు దంతంబు పే-రౌ డనంగఁ దఱపి నా ముదురు నాఁ-దరుణేతరం బంట యిం చనఁ జెఱ కన-నిక్షు వలరు నష్టం బొనర్చె నం-టకు నాహ్వయము లయ్యెఁ బోకార్చె ననఁగఁ గో-ల్పుచ్చె ననఁగఁ |
|
| తే. |
గుదె యనఁగ దుడ్డనంగను-గదకుఁ బేళ్లు ఇవ మనఁగ మం చనంగను - హిమము పేళ్లు కాన యన నడవి యనంగఁ - గాననంబు షడ్డకుఁడు దోడియల్లుఁడు-జగిలెఁ డనఁగ. |
47 |
| క. |
తేనియె యన జు న్నన నభి ధానంబులు మధువునకును-దనరుం బేళ్లై పానకము చెఱకుపాలనఁ గా నిక్షురసంబునకును - గంఠేకాలా! |
48 |
| క. |
ఉడిగెను జాలించెను నా నడరు విరామం బొనర్చె - ననుటకుఁ బేళ్లై తొడరుం బశ్చాద్భాగము పెడ యనఁగా వెనుక యనఁగఁ - బిఱుఁదు యనంగన్‌. |
49 |
| క. |
విడుమర యన విడుదల యనఁ గడముట్టుట యనఁగ శాంతి-గనుటకుఁ బేళ్లౌ నెడ వంక చక్కి చో టన నడరు స్థలంబునకు నాఖ్య-లై శితికంఠా! |
50 |
| క. |
చనుఁ గ్రుద్ధుఁ డయ్యె ననుటకుఁ గినిసెఁ గనలె నలిగెఁ గోప-గించె ననంగాఁ దనరున్‌ మర్మములకుఁ బే ళ్లనువు లనఁగ నెఱుఁకు లనఁగ-నాయములనఁగన్‌. |
51 |
| ఆ. |
పరఁగు బేళ్లు కార్య-కరునకుఁ బార్పత్తె కాఁ డనంగ మణివ-కాఁ డనంగఁ తేజరిల్లుచుండు - దేవేరి దొరసాని రాణి యనెడుపేళ్ల - రాజపత్ని. |
52 |
| క. |
మ్రింగె నన గ్రుక్క గొనియె న నంగ\న్‌ దగుఁ గబళనం బొ-నర్చె ననుటకు\న్‌ బ్రుంగె మునింగె ననంగ న నంగహరా! మగ్నమయ్యె-ననుటకుఁ బేళ్లౌ. |
53 |
| సీ. |
ఆఖ్యలై తనరు ధ-నాగారమునకు ను గ్రాణం బనంగ బొ-క్కస మనంగ నాస్థానమండపాహ్వయము లై తనరు హ జారం బనంగ మో-సల యనంగ దయకు నీరెం డభి-ధానంబు లయ్యెను గనికర మనఁగ న-క్కటిక మనఁగ బాల్యస్థునకుఁ బేళ్ళు-బరిఢవిల్లును బిన్న వాఁడన గొండిక-వాఁ డనంగ |
|
| తే. |
సంధ్యకాఖ్యలు మునిమాపు-సంజ యనఁగఁ జూద మన నెత్త మనఁగ దు-రోదరంబు జడి యనఁగ వాన యనఁగ వ-ర్షంబు పేళ్లు నోలి యుంకువ యన శుల్క - మొప్పు నభవ! |
54 |
| సీ. |
పయ్యెద యనఁగను-పైఁటయనంగ సం వ్యానంబునకు నాఖ్య-లై తనర్చు నొక్కపెట్ట ననంగ-నువ్వెత్తుగ ననంగ యుగపత్పదంబున-కొప్పుఁ బేళ్లు కవఱ లనం బాచి-క లనంగ నక్షముల్‌ బన్న మొచ్చె మనంగఁ-బరిభవంబు వ్యాపార మగు చెయ్ద-మనఁ జెయ్ది యనఁగను గన్ననఁ గీలనఁ-గపట చేష్ట |
|
| తే. |
కందుకము బంతి చెం డనఁ-గను దనర్చు నఱవఱలు చిద్రుప లన ఖం-డా హ్వయములు కాఁచువడియంబు లనఁగను-గైరవళ్ల నంగ ఖాదిరఘుటిక ల-నంగ దమన! |
55 |
| సీ. |
మాగాని రాజ్యంబు-మణివ ముద్యోగంబు చిట్టలు చిత్రముల్‌-చిలుకు శరము ఎత్తికోలు ప్రయత్న-మీలువు మానంబు బారి యనంగ ను-పద్రవంబు విన్నను వనఁగఁబ్రా-వీణ్యం బెలర్చును దార్కాణ మనఁగ ని-దర్శనంబు నిట్టపంట యనంగ-నిష్కారణం బంట బానసం బనఁగ మ-హానసంబు |
|
| తే. |
నామ మే కాంతమునకు మం-తన మనంగ నంతిపుర మన శుద్ధాంత-మలరుచుండు నుదిరి యనఁ దప్తకాంచన-మొప్పు చుండుఁ దివురుట యభిలషించుట - దేవదేవ! |
56 |
| సీ. |
బిట్టు గ ట్టనఁ బెల్లు-పెద్దయుఁ దద్దయు నురవడి పరువడి - యుద్ధవిడియుఁ బనివడి పదపడి - బలువిడి తలకొని నెట్టన యెంతేని - నెఱి గరంబు లలి వారకేడ్తెఱ - పెలుచ వావిరి యన నఱిముఱి యనఁ బొరిఁ-బొరి యనంగఁ గడుఁజాల మిగులంగ-గాటం బనంగ న త్యంతముగ ననుట - కాఖ్య లయ్యె |
|
| తే. |
నుడుకు సెకపెట్ట వేఁడిమి - యుబ్బ యావి యుక్క యన నొప్పు నామంబు-లుష్ణమునకుఁ దాల్మి యోరిమి సైరణ-తాళుకొంట సైచు టోర్చుట యనఁగను - క్షాంతి పేళ్లు. |
57 |
| తే. |
పెద్దనిద్దురఁ జెందించెఁ - బిలుకుమార్చె గీటణంచెను గుదితాల్పు - వీటి కనిచెఁ గూలిచెను రూపుమాపెను - నేలఁ గలిపె ననఁగ హతిచేసె ననుట కా-ఖ్యలు దనర్చు. |
58 |
| క. |
పరిచూర్ణ మయ్యె ననుటకు వరుసన్‌ నామంబు లగుచు - వర్తిల్లుచుండున్‌ దుఱుమయ్యెన్‌ బరుమయ్యెన్‌ నుఱుమయ్యెన్‌ బిండియయ్యె - నుగ్గయ్యెననన్‌. |
59 |
| క. |
కునికె నిదురించెఁ గూర్కెను గనుమోడ్చె ననంగ నిద్ర-గనుటకుఁ బేళ్లౌఁ గనువిచ్చె ననఁగ మేల్కనె ననఁగఁ బ్రబోధంబు నొందె - ననుటకుఁ బేళ్లౌ. |
60 |
| క. |
డులిచె వదలించె నూడ్చెను దొలఁగించెన్‌ బాపె ననఁగ - ద్రోచె ననంగా వెలికొత్తె ననఁగఁ బేళ్లై యలరున్‌ విఘటనమొనర్చె - ననుటకు శర్వా! |
61 |
| క. |
పొలయలుక యనఁగ నెయ్యపు టలుక యనం బ్రణయకలహ-మల రారుఁ గుచం బుల కొప్పు నామములు గు బ్బ లనంగాఁ జన్ను లనఁగఁ - బాలిం డ్లనఁగన్‌. |
62 |
| తే. |
చౌటిమున్నీ రనఁగ నుపు-సంద్ర మనఁగ రాజిలుచు నుండు లవణవా-రాశిపేళ్లు కాలు వన బట్టె యనఁగను - జా లనంగఁ గుల్య కభిధాన మై పొల్చుఁ గుధరనిలయ! |
63 |
| తే. |
పెల్లగించెను బెకలించెఁ - బెఱికె ననఁగ నాఖ్య లుత్పాటన మొనర్చె - ననుట కలరు నాహ్వయంబులు ఛేదించె - ననుట కయ్యెఁ జించె నన వ్రచ్చె నన వ్రక్క - లించె ననఁగఁ. |
64 |
| తే. |
కనుమొఱఁగె నేమఱించె నాఁ - గను నిగూఢ వర్తన మొనర్చె ననుట కా - హ్వయము లడరు మొయి లన మొగుళ్ళనంగను - మొనయు మబ్బు లన ఘనంబుల కాఖ్యలై - యభ్రకేశ! |
65 |
| కం. |
పగ ఱనఁగ మార్తు రనఁగను పగవాండ్రనఁ బగతు రనఁగ - బరిపంథికిఁ బే ళ్లగు మెగ మనంగ మెక మన మృగమునకు నభిఖ్య లయ్యె - మేరుశరాసా! |
66 |
| తే. |
ఇంకె నడుగంటె వట్టె నా - నివిరె ననఁగ నిర్జలం బయ్యె ననుటకు - నెగడుఁ బేళ్లు నిండె గ్రిక్కిఱిసె ననఁ బూ-ర్ణించె ననుట కాఖ్యలై తనరారు సు-ధాంశుమకుట! |
67 |
| తే. |
పెచ్చు పెరిగె ననం బురి-విచ్చె మీఱె నన విజృంభించె ననుటకు - నాఖ్య లయ్యెఁ దిండికాఁ డనఁ దిండీఁడు - తిండిపో త నంగ భక్షకునకు ద-నర్చుఁ బేళ్లు. |
68 |
| కం. |
పెనఁగొనె గిఱికొనియెను వల గొనియెన్‌ మెలికొనియెఁ జుట్టు-కొనె సుడిగొనె నాఁ గను నులిగొనె నన నాఖ్య ల గును వలయిత మయ్యె ననుట-కును శితికంఠా! |
69 |
| సీ. |
మొగరా లన స్తంభ-ములు చిట్టకము దంభ మెరగలి వనవహ్ని - యెడ్డె మూర్ఖుఁ డుడుగర యుపహార - మూఱట విశ్రాంతి మొద లని యనఁగను - మూల మనుట తఱు లన వళులు చిం-ద మనంగ శంఖంబు తఱ టనంగఁ గశాభి - ధాన మయ్యెఁ దమ టనఁ గీల ప-దం బగు మె ట్టన గాయకులకుఁ బేరు - గాణ లనఁగ |
|
| తే. |
మృత్యువునకును బే రయ్యె - మిత్తి యనఁగ మకుటమున కాఖ్య లగు బొమి - డిక మనంగ నోముట యనఁగఁ బోషించు - టూడిగంబు సేవ కభిధానమై యొప్పు - శేషభూష! |
70 |
| సీ. |
ఎట్టకేల కనంగ - నెనయును సకృదర్థ మఖిలం బటంటకు - నంతవట్టు ఏకాకి యెక్క ట-నేకులు పలువురు వేనవేల్‌ పెక్కండ్రు - వేవు రనఁగ నలరు నోచేదర్థ-మై కానినాఁ డన నేతాదృశులె యంట-కిట్టివారె మిన్నక యూరక - యన్నఁ దూష్ణీ మర్థ మనుసరించి యటంట - కగును దొట్టి |
|
| తే. |
యొండొకఁ డనంగ మఱియు వే-ఱొకఁడు లాఁతి వాఁడు పెఱవాఁడు దక్కిన - వాఁ డనంగ నన్యునకు నాఖ్య లగుచుఁ బెం-పారుచుండు శయఘటితశూల! వైయాఘ్ర-చర్మచేల! |
71 |
| కం. |
వడి యనఁగా గాలం బగు వడి యన వేగంబునకును వర్తిలుఁ బేరై మడి యనఁ గేదారం బగు మడి యనఁగా శుద్ధికిని స-మాహ్వయ మయ్యెన్‌. |
72 |
| కం. |
ఈ డనఁగ వయసు పే రగు నీ డన సామ్యంబునకును - నెసఁగును బేరై నా డన రాజ్యము పే రగు నా డనఁ దత్కాలమం ద-నఁగఁ బెంపారున్‌. |
73 |
| కం. |
మొన యన సైన్యము పే రగు మొన యనఁగా నగ్రభాగ-మునకును బే రౌ దొన యనఁ దూణీరం బగు దొన యన నవసానమునకుఁ - దొడరును బేరై. |
74 |
| కం. |
వె న్న నఁగ బీజమంజరి వెన్న నఁ జరమాంగమునకు - వెలయును బేరై కన్ను లనం బర్వంబులు కన్ను లనన్‌ లోచనములు - కంఠేకాలా! |
75 |
| కం. |
తమ్మి యనఁ దరువిశేషము తమ్మి యనం బంకజాభి-ధానం బయ్యెన్‌ నెమ్మి యనఁ బ్రియము పే రగు నెమ్మి యన మయూరమునకు - నెగడుం బేరై. |
76 |
| కం. |
దండ యనన్‌ సాన్నిధ్యము దండన సుమమాలికాభి-ధానం బయ్యెన్‌ మండనఁ బ్రకోష్ఠ మయెన్‌ మండన మృత్పాత్రకును స-మాహ్వయ మయ్యెన్‌. |
77 |
| కం. |
తెలుఁగుం గబ్బపు మర్మము తెలుఁగు కవీంద్రులకుఁ దేట - తెల్లము గాఁగన్‌ దెలియఁగ నడిదము సూరయ చెలువారఁగ నాంధ్ర నామ - శేషముఁ జెప్పెన్‌. |
78 |
 |
|