ఆంధ్రభారతి - తూము నరసింహదాసు కీర్తనలు - నేడుగదా నా జన్మ సఫలముగ

మధ్యమావతి - ఆది

పల్లవి:

నేడుగదా నా జన్మ సఫలముగ - నిన్ను జూడగంటి
నీడజవాహ విహారా నే - నీవాడను వీడను ఓడననుటచే

చరణము(లు):

ఎంద రెన్ని దెల్పిన వినకను నీ - సుందర మగు మూర్తి
పొందుగ నామది డిందుగొల్పి భవ - బంధము విడ నానందముతోడుత

భూసురులును ధర భూపతులును బహు వాసిగ గొల్వగను
భాసురమగు సిం - హాసనమున నింపారుట గని సురభామిను లాడగనే

తీరుగఁ బెండ్లి కుమారుడై వరధారుణి నందనతోఁ జేరి
మెఱపి తలంబ్రాలు పోయగను - కోరి జూడ మీవార మనుటచే

వరభద్రాచలపురమున సీతా - వరుడ వనగ వెలసి
ధరణిలోన నీదాసులకును బహు - దాపయి ప్రాపయి దయ నేలుదువని

పరమదయాళుడవని మును విను నా - పలుకులు నిజముసుమీ
వెఱవకుమని నీకరుణతోడ తూము - నరసింహ్వయు నను రమ్మనుటచే