ఆంధ్రభారతి - తూము నరసింహదాసు కీర్తనలు

మధ్యమావతి - ఆట

పల్లవి:

సెలవా మాకు సెలవా

అనుపల్లవి:

సెలవా మాకిక జలజసంభవమతీ
జలధర గాత్ర సజ్జన మునిస్తోత్ర

చరణము(లు):

సుందర వదనా సుందరలోల
నంద నందన గోవింద సదానంద

వనజాతనేత్ర పావననామ రిపుభయ
కనకచేల వరద వైకుంఠపురవాస

బుధజన వందిత పూజిత పదపద్మ
మధుసూదనానంద మందరాచలధర

దుర్మదాంతక భక్త నిర్మలలోల
ధర్మ సేవిత రామదాస విలాస

నగరాజోద్భవ నుత నగవైరి సన్నుత
నిగమసేవిత భక్తనరసింహపూజిత