 |
    |
    |
 |
    |
    |
 |
| కీర్తనలు | తూము నరసింహదాసు | దంతధావనముఁ దడయ కవధరింపుము దశరథ నృపనందనా, భక్తచందనా |
| ద్విజావంతీ (దర్బారు) - చాపు |
| పల్లవి: |
| దంతధావనముఁ దడయ కవధరింపుము దశరథ నృపనందనా, భక్తచందనా దంతిరక్షక దాసపోషక దనుజాంతక శృంగారవంత శ్రీరామ |
| చరణము(లు): |
| పూషణుఁ డుదయించె పుణ్యపురుషులు సంతోషముతోడ నేడు శేషశయన నీ విశేషము జూడగ దోష రహితమని భాషింపు చున్నారు |
| అజభవామరులును నఖిలసన్మునివరులు నఖిలదిక్పాలు రెల్ల భజనజేసి కృపబడయు కోరికతోడ గజిబిజిగా నిన్ను గాచియున్నారదే |
| వాసిగ భద్రాద్రివాసా శ్రీనరసింహదాసపోషక రాఘవా ఆసించియున్నాఁడ అనఘ నీ దర్శన లేశముచే జన్మవాసన లడగునని |