 |
    |
    |
 |
    |
    |
 |
| కీర్తనలు | తూము నరసింహదాసు | ఏమిర దశరథరామా నన్నేటికి రక్షించ విది నీకు ప్రేమా |
| నాటకురంజి - చాపు |
| పల్లవి: |
| ఏమిర దశరథరామా నన్నేటికి రక్షించ విది నీకు ప్రేమా |
| చరణము(లు): |
| పతితుడనని దెల్పుకొంటి పతితపావన బిరుదు గలదంటి అతి మోదమున నమ్మియుంటి నాకు గతి నీవేయని నిన్ను బ్రతిమాలుకొంటి |
| కరుణ రాకున్న దిక్కెవ్వరు మోహ పరవశుండను నన్ను బరులు చేకొనరు గురి దెల్పువా రెవరు లేరు నీవు దరిగాక ధరలో నెవ్వరు గానరారు |
| పరుల వేడితినా యేమైన భవ పరవశమున భక్తవరుల దూరితినా భవపాశమును జెందితినా భద్ర గిరి వరేశుడ నిన్ను మరువదలచితినా |
| ద్రోహి యనుచు నెంచబోకు పక్షి వాహన నీవాడ బరుల కివ్వకు సాహసమున విడువబోకు భవ మోహాదులను జెంది మోసపోనీకు |
| పర మంత్రమె జీవనమురా నీ చరణసేవ మాకు పరమమంత్రమురా ఆసలేక సేవ జేసితిరా తూము నరసింహుడ టంచు మొఱబెట్టితినిర |