ఆంధ్రభారతి - పల్లెపదాలు - బైరాగీ - కృష్ణశ్రీ - శ్రీపాద గోపాలకృష్ణ మూర్తి -పల్లెపదములు

180. బైరాగీ

చివ్వర ఘటాకాశ ప్రశంస ఉన్నప్పటికీ ఇది నీతీ, శమదమాది గుణసంపత్తీ బోధించే పాటయే.

నాద బ్రహ్మానందయోగీ వీడు వేదాంతసారము వినిచే బైరాగీ రాజసంబు దుఃఖదమురా, ఘన రాజయోగ మార్గమే సౌఖ్యదమురా	॥నాద॥
చిత్తశుద్ధి గల్గియుండు, భక్తి జేరి సద్గురు నీవు సేవించుచుండు	॥నాద॥
మత్తత్వము లేకయుండు, స మస్త మింద్రజాలమంచూరకుండూ	॥నాద॥
పెద్దల నిందించవలదూ, ఒరులు పీడించినా నీవు భీతిల్లవలదూ	॥నాద॥
వనిత లేకున్న దుఃఖమురా, కాని వనిత గల్గెనేని వగవదుఃఖమురా	॥నాద॥
ధనము లేకున్న దుఃఖమురా, చాల ధనము గల్గెనేని దాచదుఃఖమురా	॥నాద॥
పచ్చి కుండ వంటిమేను, ఇది చచ్చుగాక ఆత్మ చావదెన్నడును	॥నాద॥
విచ్చికుండ వ్రక్కలైనా, లోన హెచ్చియున్న బయలు విచ్చి రెండౌన	॥నాద॥