 |
    |
    |
 |
    |
    |
 |
| శతకములు | గువ్వలచెన్న శతకము |
|
| క. |
తడబ్డ భీతహృతయముల బెడబెడయగుఁ బట్టుబట్టవిడఁ గట్టు నెడన్ బడబడ బాదుటయందును గుడగుడయన్నముడుకందు గువ్వలచెన్నా! |
51 |
| క. |
పాగా లంగరకాలును మీఁగాళ్లనలారఁబంచె మేలిమికట్టుల్ సాగించుకండువాల్పయి కోఁగాయిఁకఁగానమెన్న గువ్వలచెన్నా! |
52 |
| క. |
వెలయాండ్రవీథులంజనఁ దలఁపు లవారిఁగ జనించి తమమిత్రులతోఁ గలిసి షికారునెపంబునఁ గులుకుచుఁ బోవుదురుముందు గువ్వలచెన్నా! |
53 |
| క. |
ఎన్నఁగలజీవరాసుల యన్నిఁటిగర్భమునఁబుట్టి యటమనుజుండై తన్నెఱిఁగి బ్రతుకవలెరా కొన్నాళ్ళకు నెచటనున్న గువ్వలచెన్నా! |
54 |
| క. |
కామినులకు సంతుష్టియుఁ గాముకులకు వావివరుస కఠినాత్మునకున్ సామోక్తులు విశ్వాసము కోమటులకుఁ దలఁప సున్న గువ్వలచెన్నా! |
55 |
| క. |
లొడలొడయగు వదులందును బుడబుడనీళ్లందుబుట్టి మునుఁగుటయందు\న్ గడగడ చెవిబాధయెడన్ గొడగొడ లప్రస్తుతోక్తి గువ్వలచెన్నా! |
56 |
| క. |
సంకటములచే మెయిగల పొంకంబెల్లను నడింగి పొలుపరినడువన్ జంకుంగలిగియు మెల్లన కొంకకముండింటికేగు గువ్వలచెన్నా! |
57 |
| క. |
ధనమైనంతట భూముల తనఖాలును విక్రయములు తరువాతసతీ మణిభూషణాంబరంబులు గొనుటయు విటలక్షణములు గువ్వలచెన్నా! |
58 |
| క. |
నిత్యానిత్యము లెఱుఁగుచు సత్యంబగుదానిఁ దెలిసి సత్కృత్యములన్ నిత్యముజేయుచు దశదిక్స్తుత్యముగా మెలఁగుమన్న గువ్వలచెన్నా! |
59 |
| క. |
ధనమే మైత్రినిఁదెచ్చును ధనమేవైరమునుదెచ్చు ధనమేసభలన్ ఘనతనుదెచ్చును నెంతటి గొనముల కుప్పలకునైన గువ్వలచెన్నా! |
60 |
 |
|