ఆంధ్రభారతి - పల్లెపదాలు - ఊడుపు - కృష్ణశ్రీ - శ్రీపాద గోపాలకృష్ణ మూర్తి -పల్లెపదములు

003. ఊడుపు

పొలము దుక్కి పూర్తి అయి నీటితోనిండి మొక్కల్ని కోరుతుంది. రంగురంగుల చీరలు కట్టి వరుసతీర్చి మాలెతలు వంగి నాట్లు నాటుతారు. నాటుతూ సరదా కోసము పాటలు పాడతారు. దేనిని గురించి? ఊడుపు గురించే!

ఊడుపుడవం డమ్మలాలా మీ రుడవండీ దమ్మూ సేసిన సేలల్లో ఊసులాడుకోని ఊరుకోబోకండి ఇడదీసి వరిమొక్క లెడమెడముగ పాతండీ	॥ ఊడు ॥
బాడనక బందనక పాటుపడినామంటే మారాజు పని సూసి మన కీనామిస్తాడు	॥ ఊడు ॥
ఆ ఊరి మారాజు ఐదణాలిస్తేను ఈ ఊరి మారాజు ముప్పావలిస్తాడు	॥ ఊడు ॥

పాపము రెక్కాడిన గాని డొక్కాడని ప్రాణులు. ఊరినుంచి ఊరికి నడచి సాగిపోతూ ఏవూరి మహరాజైనా పని చెప్తాడా అని చూస్తుంటారు. వారి పని చూసి ఇనాము లిచ్చే మహరాజులెందరో!