ఆంధ్రభారతి - పల్లెపదాలు - అధ్యాత్మము - కృష్ణశ్రీ - శ్రీపాద గోపాలకృష్ణ మూర్తి -పల్లెపదములు

097. అధ్యాత్మము

వీరెవరో తాతగారు బియ్యపుమూట నెత్తిమీద ఉన్నప్పటికీ ముష్టిమానలేదు. ఏమంటారు? జోగయ్య తాతగారా? ఆ బియ్యము కొవ్వూరు సత్రానికివ్వడానికా? ధన్యుడు. దండము తాతగారూ.

ధీరుడు విశ్వామిత్రుడు తానయోధ్యకు
శ్రీరామునీ జూడవచ్చెను - అని
వారుడై సౌధము జొచ్చెను - ఎదురూ
గారాజు చని తోడి తెచ్చెను - మునికీ
చారు సింహాసనమిచ్చెను - మహూ
దారుడై పూజ యొనర్చెను - స్వామీ
మీరు వచ్చినయట్టి కారణ మది దెల్పు
డీ రాజ్యమైన మీకిచ్చెద ననె
ను రాకేందువదన వినవె యీ చరితము కుందరదనా ॥

మనసా వాచా కర్మణా మూడు యోగాలూ సాధన చేస్తున్నాడీ బడుగు బ్రాహ్మణుడు!